Reġistrazzjonijiet annwali
Dħul Annwali u Konfermi Annwali tas-Sidien Benefiċċjarji
Kull sena, il-kumpaniji kollha jridu jħejju formola ta’ konferma tad-Dikjarazzjoni tad-Dħul Annwali u tas-Sidien Benefiċjarji Annwali (jekk applikabbli) fil-format preskritt. Dan għandu jsir, f’kull data tal-anniversarju tar-reġistrazzjoni tal-kumpanija.
Dawn iridu jiġu ppreżentati lir-Reġistratur tal-Kumpaniji fi żmien 42 jum wara d-data li fiha jkunu saru l-formoli.
Bħalissa dawn jistgħu jiġu ppreżentati online jew f’format stampat fl-uffiċċji tagħna.
Iż-żewġ Formoli jeħtieġ li jiġu ffirmati minn direttur jew mis-segretarju tal-kumpanija.
Ħlas ta' bejn EUR100 u EUR1,400 skont il-kapital awtorizzat għandu jiġi sottomess flimkien mad-Dħul Annwali. Ma hemm ebda pagament mas-sottomissjoni tal-formola ta’ konferma annwali tas-Sidien Benefiċċjarji.
Flimkien mad-Dħul Annwali, trid titħallas tariffa tar-reġistrazzjoni skont il-kapital azzjonarju awtorizzat. Dawn huma t-tariffi rilevanti:
Format tal-Karta | Format Elettroniku | |
(i) ma jaqbiżx €1,500 | €100 | €85 |
(ii) jaqbeż €1,500 iżda ma jaqbiżx €5,000 | €140 | €120 |
(iii) jaqbeż €5,000 iżda ma jaqbiżx €10,000 | €160 | €135 |
(iv) jaqbeż €10,000 iżda ma jaqbiżx €50,000 | €350 | €300 |
(v) jaqbeż €50,000 iżda ma jaqbiżx €100,000 | €400 | €340 |
(vi) jaqbeż €100,000 iżda ma jaqbiżx €250,000 | €600 | €510 |
(vii) jaqbeż €250,000 iżda ma jaqbiżx €500,000 | €800 | €680 |
(viii) jaqbeż €500,000 iżda ma jaqbiżx €1,000,000 | €900 | €765 |
(ix) jaqbeż €1,000,000 iżda ma jaqbiżx €2,500,000 | €1,200 | €1,020 |
(x) jaqbeż €2,500,000 | €1,400 | €1,200 |
Dawn it-tariffi huma skont l-AVVIŻ LEGALI 354 tal-2008, kif emendat bl-Avviż Legali 381 tal-2015, il-LEĠISLAZZJONI SOSSIDJARJA 386.03 IR-REGOLAMENTI TAL-ATT TAL-KUMPANIJI (FEES).
F’każ li l-formola ta’ Dħul Annwali u ta’ konferma Annwali tas-Sidien Benefiċċjaeji ma tiġix sottomessa fi 42 jum mid-data aġġornata, il-kumpanija tibda tiġi immultata.
Kontijiet Annwali
Il-kumpaniji huma meħtieġa wkoll li jippreżentaw kopja tal-kontijiet annwali. Dawn ġeneralment iridu jkunu akkumpanjati minn kopja tar-rapport tal-awdituri u r-rapport tad-diretturi sakemm ma tiġix ippreżentata Formola ta’ dikjarazzjoni.
Il-kontijiet annwali jridu jiġu approvati fi żmien 10 xhur mit-tmiem tas-sena finanzjarja u ppreżentati fi żmien 42 jum wara l-perjodu ta’ 10 xhur.
Il-Kontijiet Annwali għandhom jiġu ppreżentati online permezz tal-portal online BAROS. Is-sottomissjonijiet fiżiċi ma għadhomx jiġu aċċettati.
Il-format tal-kontijiet li għandhom jiġu sottomessi jiddependi mill-kobor tal-kumpanija. Kumpaniji żgħar jistgħu jieħdu vantaġġ mill-eżenzjonijiet permessi taħt l-Att dwar il-Kumpaniji.
Kumpanija żgħira, skont l-att tal-kumpaniji, hija kumpanija li ma taqbiżx il-limiti ta’ tnejn mit-tliet kriterji li ġejjin:
· Total tal-bilanċ: EUR 4 000 000;
· Fatturat EUR 8,000,000
· Numru medju ta' impjegati matul il-perjodu ta' meta saru l-kontijiet: 50.
Kumpaniji privati li ma jaqbżux il-limiti ta' tnejn mit-tliet kriterji li ġejjin:
· Total tal-bilanċ: EUR 46,600
· Fatturat: EUR 93,000
· Numru medju ta' impjegati matul il-perjodu tal-kontijiet: 2;
· għandhom ikunu eżentati mir-rekwiżiti li jikkonċernaw ir-rapport tal-awditur.
Fil-każ tal-kontijiet, mal-ewwel wieħed mir-rapporti finanzjarji trid tiġi ppreżentata wkoll il-Formola DD2. Formoli oħra li għandhom jiġu ppreżentati huma dawk bħall-Formola DD1 ma' kull sett konsegwenti ta’ kontijiet ippreżentati.
Jekk il-kumpanija tikkwalifika bħala kumpanija żgħira, l-ewwel kontijiet iridu jkunu akkumpanjati mill-Formola DD4 filwaqt li s-sett sussegwenti ta’ kontijiet għall-kumpaniji żgħar irid ikun akkumpanjat minn Formola DD3.