Politika dwar il-Privatezza

INTRODUZZJONI

Din il-Politika tal-Privatezza Prinċipali (“Politika tal-Privatezza ”) għandha x’taqsam ma’ portalmbr.mt u/jew kwalunkwe Sit Elettroniku elettroniku/sub-Sit Elettroniku elettroniku u/jew dominji assoċjati (u/jew sub-dominji) ta’ mbr.mt, minn hawn ’il quddiem imsejjaħ “is-Sit Elettroniku’’. Is-servizzi pprovduti mir-Reġistru tan-Negozju ta’ Malta,  bħaIa s-sid tas-Sit Elettroniku, (“Aħna”, “Tagħna”, “Magħna”, ‘’Lilna’’ u/jew “MBR”, kwalunkwe applikazzjoni ta’ software relatata (“Apps”), fejn id-data personali tiġi pproċessata mill-MBR (permezz tas-Sit Elettroniku, kwalunkwe wieħed mill-Apps Tagħna jew mod ieħor) relatati Miegħek. Jekk jogħġbok innota li s-Sit Elettroniku Tagħna tista’ tiġi ospitata u operata bl-użu ta’ pjattaforma/sid prinċipali tas-Sit Elettroniku minn terzi persuni (bħalissa Wix.com Ltd. u l-kumpaniji affiljati tagħha (“Wix”)). Barra minn hekk, meta nospitaw avvenimenti jew attivitajiet simili li għalihom huwa meħtieġ pagament online (u biss waqt  ir-reġistrazzjoni tal-avveniment tkun miftuħa), Aħna nużaw fornitur ta’  servizzi ta’ terzi persuni ghall- pagament (bħalissa stripe – inkluż stripe Payments Europe, Limited u/jew Stripe, LLC (“stripe”)) biex nipproċessaw pagamenti online. F ’każijiet bħal dawn, ċerta data personali tiġi pproċessata minn Wix u/jew Stripe (kif spjegat aktar f’ din l-Politika tal-Privatezza) sabiex inkunu nistgħu nħaddmu s-Sit Elettroniku, namministraw reġistrazzjonijiet ta’ avvenimenti u nipproċessaw il-pagamenti b ’mod sigur. F’ din il-Politika tal-Privatezza Prinċipali, “Inti”, ‘’Lilek’’, ‘’Miegħek’’, “Tiegħek” u “Utent” jirreferu għal persuna fiżika identifikata jew identifikabbli li tkun l-Utent tas-Sit Elettroniku, u/jew ir-riċevitur (jew ir-riċevitur prospettiv) ta’ kwalunkwe wieħed mis-Servizzi Tagħna u/jew persuna fiżika identifikabbli li l-informazzjoni tagħha (fil-kapaċita personali tagħha u mhux meta taġixxi bħala rappreżentant ta’ entita legali) hija maħżuna fid-database (s) Tagħna u li tista’ tkun disponibbli għall-pubbliku jew le. Id-dettalji kollha Tagħna, inklużi d-dettalji ta’ kuntatt, jistgħu jinqraw hawn taħt. Jekk jogħġbok irreferi ghat-taqsimiet “X’ INHI DATA PERSONALI” u “X’NGĦIDU DWAR INFORMAZZJONI RELATATA MA’ SOĊJETAJIET  KUMMERĊJALI (INKLUŻI KUMPANIJI) U ENTITAJIET LEGALI OĦRA?” hawn taħt.

Tista’ tkun qed taqra din il-Politika tal-Privatezza bħala Utent jew viżitatur tas-Sit Elettroniku  jew tista’ tkun gejt igwidat hawn minn wieħed (jew aktar) mill-politiki tal-privatezza konċiżi Tagħna jew l-avvizi l-oħra Tagħna (diġitali jew mod ieħor) misjuba f’waħda mill-formoli Tagħna jew dokumenti oħra simili.

Għalkemm din il-Politika tal-Privatezza tipprovdi informazzjoni dettaljata u strutturata dwar kif u għaliex ġeneralment nipproċessaw Data Personali (permezz tas-Sit Elettroniku, jew wieħed mill-Apps Tagħna, jew mod ieħor) kif ukoll informazzjoni dettaljata dwar id-diversi drittijiet Tiegħek, il-kontenut speċifiku u mfassal apposta ta’ tali politiki konċiżi jew avviżi oħra, fil-biċċa l-kbira tal-każijiet, jipprovduk b’informazzjoni aktar iffukata u dettaljata dwar operazzjonijiet speċifiċi ta’ pproċessar. (Pereżempju, il-bażi legali speċifika għall-ipproċessar ta’ ċerti kategoriji ta’ Data Personali u l-iskop speċifiku biex isir dan skont il-kwistjoni kkonċernata).

Għalkemm fl-MBR, l-għan Tagħna huwa li dejjem inkunu ċari u trasparenti kemm jista’ jkun, napprezzaw li d-dokumenti legali kultant jistgħu jkunu diffiċli biex jinqraw. Madankollu, Aħna nħeġġuk ħafna biex taqra din l-Politika tal-Privatezza (li hija strutturata għall-konvenjenza Tiegħek) b’attenzjoni. Jekk jogħġbok tiddejjaqx  tikkuntattjana għal xi kjarifika li jista’ jkollok bżonn. Pereżempju, jekk teħtieġ kjarifika fuq bażi legali speċifika, li Aħna qed niddependu fuqha biex nipproċessaw id-Data Personali Tiegħek għal operazzjoni speċifika ta’ pproċessar, inkunu nistgħu nipprovdulek kwalunkwe informazzjoni bħal din li jista’ jkollok bżonn.

KONTENUT TA’ DIN IL-POLITIKA TAL-PRVATEZZA PRINĊIPALI

1. Introduzzjoni

2. Kontenut ta’ din l-Politika tal-Privatezza Prinċipali

3. Il-Liġijiet Applikabbli

4. X’ inhi d-Data Personali?

5. X’ngħidu dwar informazzjoni relatata ma’ Soċjetajiet Kummerċjali (inklużi Kumpaniji) u Entitajiet Legali Oħra?

6. Data Personali li l-MBR Jiġbor Dwarek

7. Kif u Għaliex Aħna Niġbru Data Personali

8. Data Personali Relatata ma’ Terzi Persuni

9. Għal Xiex Nużaw id-Data Personali Tiegħek (Għan tal-Ipproċessar)

10. Data li Aħna Nagħmlu Disponibbli Għall-Pubbliku

11. Preċiżjoni tad-Data Personali

12. Trasferiment lejn Pajjiżi Terzi

13. Komunikazzjonijiet bl-Internet

14. Żvelar Awtorizzat

15. Kondiviżjoni ta’ Data Personali ma’ Kategoriji Oħra ta’ Riċevituri

16. Miżuri ta’ Sikurezza

17. Perjodi ta’ Żamma

18. Proċessar Għal Raġunijiet ta’ Riċerka u Statistika

19. Rabtiet ma’ Sorsi ta’ Partijiet Terzi

20. Cookies

21. Minuri

22. Teħid Awtomatizzat ta’ Deċiżjonijiet

23. Id-Drittijiet Tiegħek skont il-Liġijiet dwar il-Protezzjoni tad-Data

24. Aħna X’Nistgħu Nitolbu Mingħandek  

25. Limitu ta’ Żmien Għal Tweġiba

26. Dettalji tal-MBR

27. Aġġornamenti

IL-LIĠIJIET APPLIKABBLI

L-MBR huwa l-kontrollur ta’ data personali skont ir-Regolament (UE) 2016/679 tal-Parlament Ewropew u tal-Kunsill tas-27 ta’ April 2016 dwar il-protezzjoni ta’ persuni fiżiċi fir-rigward tal-ipproċessar ta’ data personali u dwar il-moviment liberu ta’ tali data, u li jħassar id-Direttiva 95/46/KE (Regolament Ġenerali dwar il-Protezzjoni tad-Data - “GDPR”) u l-Att dwar il-Protezzjoni u l-Privatezza tad-Data (Kapitolu 586 tal-Liġijiet ta’ Malta - “id-DPA”).

L-MBR jiżgura li d-Data Personali tiġi pproċessata skont il-GDPR, id-DPA u kwalunkwe liġi rilevanti oħra tal-Unjoni Ewropea (“UE”) u nazzjonali. L-MBR jiżgura, b ’mod partikolari, in-natura kunfidenzjali u sikura ta’ tali data personali.

Dawn l-imsemmija, kif jistgħu jiġu emendati minn żmien għal żmien, flimkien imsejħa “Liġijiet Dwar Il-Protezzjoni tad-Data”.

X’ INHI D-DATA PERSONALI?

It-terminu “DATA PERSONALI” jfisser kwalunkwe informazzjoni li tidentifikak bħala individwu jew li tirrelata ma’ individwu identifikabbli. Informazzjoni relatata ma’ persuni ġuridiċi (bħal kumpaniji) ma tammontax għal Data Personali. Għal aktar informazzjoni dwar din id-distinzjoni importanti, jekk jogħġbok aqra t-taqsima “X’NGHIDU DWAR INFORMAZZJONI RELATATA MA’ SOĊJETAJIET KUMMERĊJALI (INKLUŻI KUMPANIJI) U ENTITAJIET LEGALI OĦRA?” hawn taħt.

Kull meta ma jkunx possibbli jew fattibbli Għalina li nagħmlu użu minn data anonima u/jew anonimizzata (b ’mod li ma jidentifika l-ebda Utent tas-Sit Elettroniku  jew riċevituri tas-servizzi Tagħna), Aħna madankollu marbutin li nipproteġu l-privatezza Tiegħek u s-sikurezza tad-data personali Tiegħek f’ kull ħin.

Aħna niġbru Data Personali b ’diversi modi kemm diġitalment permezz tas-Sit Elettroniku (jew meta tagħżel li tipprovdilna ċerta data jew f’ ċertu istanzi, awtomatikament jew minn partijiet terzi) kif ukoll mhux diġitalment (pereżempju meta formola statutorja tiġi sottomessa Lilna jew timla formola fiżika biex tibbenefika minn wieħed jew aktar mis-servizzi Tagħna).

X’NGHIDU DWAR INFORMAZZJONI RELATATA MA’ SOĊJETAJIET KUMMERĊJALI (INKLUŻI KUMPANIJI) U ENTITAJIET LEGALI OĦRA?

Informazzjoni relatata ma’ persuni ġuridiċi (li għandhom personalita ġuridika) għall-kuntrarju ta’ persuni fiżiċi ma tammontax għal data personali. Kumpaniji b’ responsabbiltajiet limitati u entitajiet legali oħra għandhom personalita legali distinta li hija separata mis-sidien tagħhom jew anke d-diretturi jew l-amministraturi tagħhom. Dan ifisser li l-informazzjoni relatata ma’ tali entitajiet ġuridiċi (għall-kuntrarju tad-dettalji tas-sidien, tal-azzjonisti jew anki tad-diretturi jew amministraturi), fil-biċċa l-kbira tal-każijiet, ma tikkostitwixxix data personali u taqa’  barra l-applikazzjoni tal-GDPR.

Wara li ntqal dan ta’ hawn fuq, f’ dawk il-każijiet kollha fejn persuni fiżiċi (bħal diretturi ta’ kumpaniji, azzjonisti, soċji, amministraturi, fundaturi, kontrolluri, membri tal-Kunsill superviżorju, protetturi u anki negozjanti uniċi fost l-oħrajn) ikunu identifikabbli individwalment, u fejn l-informazzjoni tkun relatata ma’ tali individwi fil-kapaċitajiet personali tagħhom minflok ma jaġixxu bħala rappreżentanti ta’ persuna ġuridika, l-MBR se tittratta tali informazzjoni bħala data personali u se tagħti lil tali individwi (li jitqiesu bħala suġġetti tad-data) id-drittijiet kollha tal-protezzjoni tad-data elenkati hawn taħt, kif jista’ jkun applikabbli.

DATA PERSONALI LI L-MBR JIĠBOR DWAREK

Hemm diversi kategoriji ta’ data personali li niġbru dwarek, jiġifieri:

DETTALJI TA’ KUNTATT (MINGĦAJR IL-ĦTIEĠA TA’ REĠISTRAZZJONI FUQ IS-SIT):

• Isem

• Posta elettronika

• Kummenti li fihom kwalunkwe data personali li tagħżel li tibgħatilna.

DATA TAR-REĠISTRAZZJONI:

• Titolu

• Isem

• Kunjom

• Data tat-twelid

• Indirizz residenzjali

• Indirizz elettroniku

• Telefon

• Mowbajl (mhux obbligatorju)

• Numru tal-fax (mhux obbligatorju)

• Ċittadinanza

• Numru tal-ID/Passaport

• Isem tal-Utent

• Password

DATA TA’ INKORPORAZZJONI/DIKJARAZZJONI: 

• Dettalji ta’ identifikazzjoni (ID) li għandhom jinkludu iżda mhumiex limitati għaċ-ċittadinanza u l-pajjiż ta’ residenza. Skont l-Artikolu 2 (5) tal-Att dwar il-Kumpaniji, Kapitolu 386 (“l-Att dwar il-kumpaniji”), l-Artikolu 29 (1) (e) u l-Artikolu 49 (2) (f) tat-tieni Skeda tal-Kodiċi Ċivili (Kap 16) (l - “Iskeda”) “għall-finijiet ta’ dawn l-atti, meta dokument meħtieġ li jiġi kkonsenjat lir-Reġistratur għar-reġistrazzjoni jkun meħtieġ li jiddikjara l-isem u r-residenza jew l-indirizz ta’ persuna, dan għandu jitqies li jeħtieġ aktar l-identifikazzjoni uffiċjali, skont in-numru jew mod ieħor ta’ dik il-persuna, skont kif ikun applikabbli”. Barra minn hekk, l-Artikolu 401 (1) (d) paragrafu (i) tal-Att dwar il-kumpaniji u t-tieni proviso tar-Regolament 7 (1) (c) paragrafu (i) tar-Regolamenti dwar Companies Act ( Register of Beneficial Owners)  (L.S. 386.19) Regolament 4 (1) (a) tar-Regolamenti dwar ir-Reġistru ta’ Sidien Benefiċjarji- Assoċjazzjonijiet (it-Tieni Skeda)  (Kodiċi Ċivili) (L.S. 16.17) u Regolament 4 (1) (a) tar-Regolamenti dwar ir-Reġistru ta’ Sidien Benefiċjarji- Fondazzjonijiet (it-Tieni Skeda)  (Kodiċi Ċivili)  (L.S. 16.18) jippermetti wkoll lir-Reġistratur jikseb dettalji ta’ identifikazzjoni u kwalunkwe informazzjoni oħra sostnuta minn dokumenti inklużi, kopji veri ċċertifikati ta’ karti tal-identifikazzjoni, passaporti, karti ta’ residenza u dokumenti oħra ta’ identifikazzjoni sabiex jivverifika d-dettalji ta’ identifikazzjoni li jkunu qed jiġu żvelati lir-Reġistru.

• Ċittadinanza

• Pajjiż ta’ residenza

• Uffiċċju reġistrat (ikkunsidrata biss data personali jekk dan ikun l-indirizz tad-dar tal-individwu li jibgħatilna din l-informazzjoni).

• Dettalji ta’ kuntatt tal-azzjonisti, diretturi, segretarji tal-kumpaniji, u membri oħra tal-applikant inkluż kif applikabbli:

  • Isem

  • Indirizz residenzjali

  • Indirizz elettroniku

  • Ċittadinanza

  • Okkupazzjoni tan-negozju

• Dettalji ta’ kuntatt ta’ persuni li jikkollegaw u jissottomettu dokumenti f’ isem l-applikant (pereżempju, rappreżentant legali) inklużi:

  • Isem

  • Indirizz elettroniku

• Kondotta tal-pulizija u/jew ċertifikat ta’ reputazzjoni tajba pproċessat/i skont l-Artikolu 10 tal-GDPR u d-DPA, kif awtorizzat mil-liġi tal-kumpaniji Maltija u l-leġiżlazzjoni kontra l-ħasil tal-flus).) (f’ ċirkostanzi speċifiċi biss)

• Referenzi bankarji (f ’ċirkostanzi speċifiċi biss)

• Evidenza li s-soċjeta kummerċjali (inklużi kumpaniji) u entita legali oħra jistgħu jużaw l-indirizz bħala l-uffiċċju reġistrat (f ’ċirkostanzi speċifiċi biss)

DATA TAL-ITTRAĊĊAR:

• Data tal-post tal-indirizz tal-IP

• Data dwar il-post

INFORMAZZJONI FINANZJARJA:

• Dettalji tal-kont bankarju (pereżempju, fejn meħtieġ għal rifużjonijiet jew għal amministrazzjoni oħra relatata mal-pagamenti, fejn applikabbli) dettalji tal-kontijiet (pereżempju, l-indirizz tal-kontijiet, id-dettalji tal-fatturi, id-dettalji tal-irċevuta, u data simili dwar l-amministrazzjoni tal-pagamenti) dettalji tat-tranżazzjoni tal-pagament (pereżempju, l-ammont, id-data/il-ħin, l-istatus tal-pagament, u r-referenza/l-identifikatur tat-tranżazzjoni)

  
  

Biex jiġi evitat id-dubju, meta l-pagamenti online jiġu pproċessati permezz tal-fornitur tas-servizz ta’ pagament Tagħna (bħalissa Stripe), in-numru sħiħ tal-card Tiegħek u l-kodiċi tas-sikurezza tal-card (CVC/CVV) jiġu pproċessati direttament bi Stripe (u/jew l-istituzzjonijiet finanzjarji/il-fornituri tal-metodu ta’ pagament rilevanti) u ma jinħażnux mill-MBR.

INFORMAZZJONI DWAR AVVENIMENT/TAĦRIĠ (FEJN APPLIKABBLI):

• Dettalji tar-reġistrazzjoni tal-avveniment

• Informazzjoni dwar l-attendenza

• Komunikazzjonijiet relatati ma’ avveniment

• DATA ta’ AKKREDITAZZJONI CPE/CPD (fejn applikabbli): l-informazzjoni minima tal-parteċipanti meħtieġa biex tiġi vverifikata l-attendenza u biex tinħareġ/tiġi rreġistrata akkreditazzjoni CPE/CPD

  
  

Jekk jogħġbok innota li l-funzjoni ta’ ħlas online se tkun disponibbli biss meta avveniment ikun qed joqrob u r-reġistrazzjonijiet ikunu miftuħa; ladarba jintemm l-avveniment (jew tingħalaq ir-reġistrazzjoni), il-funzjoni tal-ħlas online tintemm.

INFORMAZZJONI ADDIZZJONALI:                                   

F ’xi każijiet, (pereżempju, jekk Inti riċevitur [jew riċevitur prospettiv] tas-servizzi Tagħna, permezz tas-Sit Elettroniku, kwalunkwe app jew mod ieħor – anke jekk is-servizz inkwistjoni huwa sempliċement informazzjoni li titlob mingħandna), Aħna nistgħu nitolbu data personali addizzjonali bħala mezz biex nidentifikawk b’ mod sigur jew għal skop legali simili ieħor (li se jiġi spjegat fit-tabella hawn taħt u/jew f ’politika/avviż fil-qosor li seta’ ggwidak hawn). L-informazzjoni addizzjonali li nistgħu nitolbu mingħandek biex inkunu nistgħu nipprovdulek is-servizzi Tagħna tinkludi:

• Metodi ta’ identifikazzjoni aktar siguri

• Kredenzjali/referenzi

• Dettalji tal-qraba Tiegħek li jmiss

• Ċerti kategoriji speċjali ta’ data (data personali sensittiva) bħal kundizzjonijiet/status/dettalji tas-saħħa jew sħubija fi trade union (fejn meħtieġ biss u bis-salvagwardji meħtieġa fis-seħħ) skont l-Artikolu 9 (2) tal-GDPR

• Il- kondotta tal-pulizija Tiegħek u/jew ċertifikat ta’ reputazzjoni tajba li nistgħu neħtieġu għall-inkorporazzjoni ta’ entitajiet legali f ’ċerti każijiet, u li nipproċessaw, primarjament għal finijiet ta’ verifika skont l-Artikolu 10 tal-GDPR u d-DPA, kif awtorizzat mil-liġi tal-kumpaniji Maltija u l-leġiżlazzjoni kontra l-ħasil tal-flus.

  
  

Ħafna mill-kategoriji ta’ data personali ta’ hawn fuq jinġabru direttament mingħandek (Pereżempju, id-Dettalji ta’ Kuntatt Tiegħek u d-Data tar-Reġistrazzjoni Tiegħek). Madankollu, AĦNA NISTGĦU NIĠBRU WKOLL DATA PERSONALI MINN SORSI OĦRA, inklużi membri awtorizzati (eż. diretturi, amministraturi jew segretarji tal-kumpaniji) tal-kumpanija jew entitajiet legali oħra li tista’ tkun assoċjat magħhom, kumpaniji tad-data ta’ partijiet terzi, bażijiet tad-data aċċessibbli għall-pubbliku, pjattaformi tal-midja soċjali, aġenziji Governattivi oħra u korpi Governattivi (kemm korpi lokali kif ukoll barranin fl-UE) u partijiet terzi oħra.

Nistgħu nirċievu wkoll Data Personali dwarek minn partijiet terzi meta jkollna bżonn nikkonfermaw id-Dettalji ta’ Kuntatt Tiegħek jew anke ċerta Informazzjoni Finanzjarja. Jekk dan ikun il-każ, Aħna se nieħdu l-miżuri kollha kif meħtieġ mil-liġi biex ninfurmawk aktar dwar is-sors ta’ tali Data Personali kif ukoll dwar il-kategoriji ta’ Data Personali li niġbru u nipproċessaw (sakemm Aħna sodisfatti li diġa għandek dik l-informazzjoni). Hemm ċerti istanzi fil-liġi fejn Aħna speċifikament projbiti milli niżvelaw Lilek attivitajiet bħal dawn (pereżempju, meta ssir id-due diligence għall-finijiet ta’ kontra l-ħasil tal-flus).

Għal deskrizzjoni dettaljata tar-raġunijiet għaliex nipproċessaw il-kategoriji ta’ data personali ta’ hawn fuq (u kwalunkwe data personali speċifika oħra li nipproċessaw) kif ukoll ir-raġuni/raġunijiet legali korrispondenti għal dan jekk jogħġbok ara “Għal Xiex Nużaw Id-Data Personali Tiegħek (Għan Tal-Ipproċessar)” hawn taħt.

Għal informazzjoni/data personali li nistgħu niġbru awtomatikament permezz tas-Sit Elettroniku, jekk jogħġbok ara t-taqsima Cookies hawn taħt.

KIF U GĦALIEX AĦNA NIĠBRU DATA PERSONALI

Bħala regola ġenerali, Aħna ma niġbru l-ebda Data Personali, jiġifieri, informazzjoni li tidentifikak bħala individwu għajr dak li tagħżel li tipprovdilna bħad-data (inklużi d-Dettalji ta’ Kuntatt u d-Data tar-Reġistrazzjoni) li tipprovdi meta tikkuntattjana permezz tas-Sit Elettroniku Tagħna (fejn ir-reġistrazzjoni mhijiex meħtieġa) jew tirreġistra mas-Sit Elettroniku imsemmi (fejn dan huwa disponibbli), meta tirreġistra kumpanija jew entita oħra mal-MBR (jekk dan japplika għalik bħala persuna fiżika identifikabbli),meta tippreżenta dokumenti Magħna f’ isem kwalunkwe entita legali (jekk dan japplika Għalik bħala persuna fiżika identifikabbli) meta tikkuntattjana b ’mod ieħor b’ inkjesti relatati mas-servizzi Tagħna, meta tabbona għal kwalunkwe servizz offrut minna jew permezz tas-Sit Elettroniku Tagħna, bħal kwalunkwe newsletters li jistgħu jinħarġu minna minn żmien għal żmien (Data Personali li l-MBR Jiġbor Dwarek hawn fuq).

Sakemm ma jkunx speċifikat mod ieħor u soġġett għal diversi kontrolli, bħala regola ġenerali, Aħna niġbru biss Data Personali (mingħandek jew xi mkien ieħor) li Aħna:

• jeħtieġ biex nkunu nistgħu nipprovdulek is-servizzi/informazzjoni li titlob mingħandna.

• legalment meħtieġa li niġbru/nużaw u nżommu għal perjodu ta’ żmien predeterminat.

• nemmnu li huwa meħtieġ għat-twettiq ta’ kompitu mwettaq fl-interess pubbliku u

• nemmnu li huwa neċessarju għat-twettiq ta’ kompitu mwettaq fl-eżerċizzju tas-setgħa uffiċjali fdata Lilna (bħala aġenzija tal-Gvern).

Għal deskrizzjoni dettaljata tar-raġunijiet għaliex nipproċessaw kategoriji speċifiċi ta’ data personali kif ukoll ir-raġuni/raġunijiet legali korrispondenti għal dan, jekk jogħġbok ara “Għal Xiex nużaw id-Data Personali Tiegħek (Għan tal-ipproċessar)” hawn taħt.

DATA PERSONALI RELATATA MA’ TERZI PERSUNI

Billi tipprovdilna jew tippermettilna naċċessaw data personali relatata ma’ individwi li mhumiex Tiegħek innifsek (bħal meta telenka persuni oħra involuti li jappartjenu għar-reġistrazzjoni tal-kumpanija jew ir-reġistrazzjoni ta’ entitajiet legali oħra mal-MBR), qed tgħidilna li għandek is-setgħa li tibgħatilna dik id-data personali jew is-setgħa li tippermettilna naċċessaw dik id-data bil-mod deskritt f ’din il-Politika taL-Privatezza.

GĦAL XIEX NUŻAW ID-DATA PERSONALI TIEGĦEK (GĦAN TAL-IPPROĊESSAR)

Dan li ġej huwa deskrizzjoni (b ’mod ċar u sempliċi) ta’ għal xiex nużaw id-Data Personali Tiegħek u l-bażi/jiet legali korrispondenti li Aħna nistrieħu fuqha/hom biex nagħmlu dan.

Għal aktar dettall dwar xi jfissru termini bħal “Dettalji ta’ Kuntatt”, “Data tar-Reġistrazzjoni” u kategoriji oħra ta’ Data Personali użati fit-tabelli ta’ hawn taħt, jekk jogħġbok ara t-taqsima ta’ hawn fuq relatata mad-Data Personali li Niġbru Dwarek.

Jekk jogħġbok innota li fil-każijiet rari (jekk ikun hemm) fejn niddependu fuq il-kunsens Tiegħek, dan dejjem jista’ jiġi rtirat b’ mod volontarju.

• OPERAZZJONIJIET ĠENERALI TA’ PPROĊESSAR

RIĊEVITURI/UTENTI PROSPETTIVI TAS-SIT/RIĊEVITURI ĠODDA TAS-SERVIZZI TAGĦNA:

RIĊEVITURI KONTINWI TAS-SERVIZZI TAGĦNA:

• OPERAZZJONIJIET SPEĊIFIĊI OĦRA TA’ PPROĊESSAR:

Reġistru tal-kumpaniji u Reġistru tal-persuni ġuridiċi:

Reġistru tas-sidien benefiċjarji:

Jekk ikollna bżonn nipproċessaw id-data Tiegħek għal skop ġdid fil-futur, li huwa kompletament mhux relatat ma’ dan ta’ hawn fuq, Aħna ninfurmawk minn qabel b ’dan l-ipproċessar u tista’ teżerċita d - drittijiet applikabbli Tiegħek (kif spjegat hawn taħt) fir-rigward ta’ dan l-ipproċessar.

Fl-aħħar nett, innota li mingħajr ċerta Data Personali relatata Miegħek, jista’ jkun li ma nkunux f’ pożizzjoni li nipprovdu xi wħud mis-servizzi jew is-servizzi kollha li tistenna mingħandna (inklużi soċjetajiet kummerċjali (inklużi kumpaniji) u entitajiet legali oħra reġistrazzjoni/inkorporazzjoni u talbiet għal informazzjoni mingħandna) jew saħansitra li niggarantixxu l-funzjonalita’ sħiħa tas-Sit Elettroniku Tagħna.

Interess Leġittimu:

1.      Soċjetaijiet Kummerċjali (inklużi kumpaniji)

L-MBR għandu jagħti aċċess għar-Reġistru tas-sidien benefiċjarji (“RBO”) meta jintwera interess leġittimu fil-prevenzjoni u l-ġlieda kontra l-ħasil tal-flus, ir-reati predikati tiegħu, jew il-finanzjament tat-terroriżmu skont ir-Regolament 7 (1) (c) tal-Att dwar il-kumpaniji (Reġistru tas-Sidien Benefiċjarji) (L.S 386.19). Tali talbiet għal aċċess ibbażati fuq interess leġittimu jkollhom isiru lill-MBR permezz ta’ email fuq accesstobo@mbr.mt, flimkien mal-preżentazzjoni ta’ Formola ta’ Talba u Dikjarazzjoni. Dawn għandhom ikunu akkumpanjati minn aktar dokumentazzjoni ta’ sostenn (inklużi, iżda mhux limitati għal, dokumenti ta’ identifikazzjoni). Tali dokumenti ta’ identifikazzjoni ma għandhomx isiru disponibbli għall-pubbliku u huma meħtieġa għall-fini li ssir valutazzjoni dwar il-korrettezza tal-individwu li jippreżenta t-talba għal aċċess għal informazzjoni dwar is-sjieda benefiċjarja. L-MBR ma għandux iżomm dokumentazzjoni ta’ identifikazzjoni ladarba tinġabar id-data meħtieġa iżda għandu jżomm id-data Tiegħek skont il-perjodu ta’ żamma għad-data personali msemmija hawn taħt. It-termini ta’ din il-Politika tal-Privatezza għandhom japplikaw mutatis mutandis għalik sakemm ma jitqiesx mod ieħor inkonsistenti. Biex jiksbu tali aċċess, il-persuni li jitolbu Interess Leġittimu u, għalhekk, jiksbu aċċess għall-RBO, ikunu qed jikkonfermaw ukoll li qed jassumu r-rwol ta’ kontrollur tad-data skont il-liġijiet u r-regolamenti applikabbli relatati mal-protezzjoni tad-data kif fis-seħħ f ’Malta.

2.      Fondazzjonijiet u Assoċjazzjonijiet

Fir-rigward ta’ L.S 16.17 u L.S 16.18, isir proċess simili fejn persuni jew organizzazzjonijiet li jiffurmaw parti mill-pubbliku ġenerali, sakemm ikollhom interess leġittimu, jingħataw informazzjoni tas-Sidien Benefiċċjarji kif mitlub fuq osservanza sodisfaċenti mal-leġiżlazzjoni sussidjarja rispettiva msemmija hawn fuq. It-talbiet jintbagħtu permezz ta’ email fuq foundations.associations@mbr.mt , flimkien mal-preżentazzjoni tad-dokumentazzjoni ta’ sostenn, inklużi iżda mhux limitati għal dokumenti ta’ identifikazzjoni. Tali dokumenti ta’ identifikazzjoni ma għandhomx isiru disponibbli għall-pubbliku u huma meħtieġa għall-fini li ssir valutazzjoni dwar il-korrettezza tal-individwu li jippreżenta t-talba għal aċċess għal informazzjoni dwar is-sjieda benefiċjarja. L-MBR għandu jżomm id-data Tiegħek skont il-perjodu ta’ żamma għad-data personali msemmija hawn taħt. It-termini ta’ din il-Politika tal-Privatezza għandhom japplikaw mutatis mutandis għalik sakemm ma jitqiesx mod ieħor inkonsistenti. Il-persuni kollha intitolati li jaċċessaw u jirċievu informazzjoni skont l-L.S. 16.17 u l-L.S. 16.18 huma obbligati li jikkonformaw mal-liġijiet u r-regolamenti applikabbli relatati mal-protezzjoni tad-data kif fis-seħħ f ’Malta.

DATA LI AĦNA NAGĦMLU DISPONIBBLI GĦALL-PUBBLIKU

L-MBR hija meħtieġa skont l-Artikolu 401 (1) (d) tal-Att dwar il-Kumpaniji u l-Artikolu 31C tat-Tieni Skeda li tinsab mal-Kodiċi Ċivili, kif ukoll skont ir-Regolamenti dwar l-Att dwar il-kumpaniji (Regolamenti dwar Companies Act (System of Interconnection of Registers)) (L.S. 386.18) u r-Regolament 14 tal-L.S. 16.17 u L.S. 16.18 biex tagħmel ċerta informazzjoni, li tista’ tipprovdilna inter alia għall-finijiet ta’ soċjetajiet kummerċjali (inklużi kumpaniji u inkorporazzjoni ta’ entitajiet legali oħra, inkluża kwalunkwe data personali, fejn applikabbli, (bħal dik li tappartjeni għall-isem u l-indirizz tad-diretturi u persuni rilevanti oħra tal-persuna ġuridika) relatata magħha, disponibbli għall-pubbliku. Għalhekk, kull meta MBR tagħmel tali informazzjoni pubblika hija tibbaża fuq l-obbligu legali tagħha li tagħmel dan bħala bażi legali għall-ipproċessar ta’ data personali.

Id-data personali li nagħmlu pubblika fir-rigward tas-soċjetajiet kummerċjali kollha (inklużi kumpaniji) u entitajiet legali oħra rreġistrati Magħna tinkludi dan li ġej:

• Lista ta’ azzjonisti, diretturi, segretarji tal-kumpaniji u persuni oħra vestiti fl-amministrazzjoni inklużi dettalji bħal:

  • Isem

  • Indirizz residenzjali

  • Ċittadinanza

  • Okkupazzjoni tan-negozju

Fil-każ ta’ fondazzjonijiet u assoċjazzjonijiet, l-informazzjoni dwar is-sidien benefiċjarji ma ssirx pubblikament adattata għat-tfittix jew disponibbli għall-pubbliku ġenerali. L-aċċess għall-informazzjoni miżmuma fir-Reġistru tas-sidien benefiċjarji jingħata biss lill-kategoriji ta’ persuni u skont il-kundizzjonijiet stabbiliti fir-regolamenti applikabbli. Kwalunkwe aċċess mogħti lil subject persons/entitajiet marbutin b’ obbligu jew lil membri tal-pubbliku huwa pprovdut   każ b’ każ wara talba bil-miktub u sottomissjoni tad-dokumentazzjoni meħtieġa, u huwa limitat għall-fondazzjoni/assoċjazzjoni speċifika/i u s-sid/ien benefiċjarju(i) rilevanti. L-awtoritajiet kompetenti biss kif jingħad fir-Regolament 10 tal-L.S. 16.17 u 16.18 għandhom aċċess mingħajr restrizzjoni għall-informazzjoni dwar is-sidien benefiċjarji tal-organizzazzjonijiet.

Meta soċjeta’ kummerċjali (inklużi kumpaniji) u entitajiet legali oħra jitneħħew mir-reġistru, tali data ma għandhiex tibqa’ disponibbli għall-pubbliku. Jekk jogħġbok innota li għalkemm tali data personali ma’ tibqax disponibbli aktar għall-pubbliku, l-MBR xorta se jżomm tali informazzjoni, u dan skont il-politika ta’ żamma Tagħna.

Għal aktar informazzjoni ta’ sfond, jekk jogħġbok aqra t-taqsimiet X’ INHI DATA PERSONALI u X’NGĦIDU DWAR INFORMAZZJONI RELATATA MA’ SOĊJETAJIET KUMMERĊJALI (INKLUŻI KUMPANIJI) U ENTITAJIET LEGALI OĦRA? Hawn fuq.

Jekk jogħġbok ara t-tabella ta’ hawn fuq dwar ir-Reġistru tas-sidien benefiċjarji għal aktar informazzjoni rigward ir-regoli dwar kif Nistgħu niżvelaw informazzjoni dwar is-sidien benefiċjarji aħħarin ta’ kumpaniji, fondazzjonijiet u assoċjazzjonijiet u kif, f ’ċerti każijiet, Aħna obbligati nagħmlu dan.

PREĊIŻJONI TAD-DATA PERSONALI

Isiru l - isforzi raġunevoli kollha biex tinżamm kwalunkwe Data Personali li nistgħu nżommu dwarek aġġornata u preċiża kemm jista’ jkun. Tista’ tiċċekkja l-informazzjoni li Aħna nżommu dwarek fi kwalunkwe ħin billi tikkuntattjana bil-mod spjegat hawn taħt. Jekk issib xi ineżattezzi, Aħna nikkoreġuhom u fejn meħtieġ u skont il-liġi (sakemm il-liġi tippermetti tħassir bħal dan), inħassruhom kif meħtieġ. Jekk jogħġbok ara hawn taħt għal lista dettaljata tad-drittijiet legali Tiegħek f ’termini ta’ kwalunkwe liġi applikabbli dwar il-protezzjoni tad-data.

TRASFERIMENTI LEJN PAJJIŻI TERZI

Bħala regola ġenerali, id-data li nipproċessaw dwarek (miġbura permezz tas-Sit Elettroniku, kwalunkwe wieħed mill-Apps Tagħna jew mod ieħor) se tinħażen u tiġi pproċessata fl-Unjoni Ewropea (UE)/fiż-Żona Ekonomika Ewropea (ŻEE) jew fi kwalunkwe pajjiż ieħor mhux taż-ŻEE meqjus mill-Kummissjoni Ewropea bħala li joffri livell adegwat ta’ protezzjoni (l-hekk imsejħa pajjiżi “white listed”) elenkati hawn: https://ec.europa.eu/info/law/law-topic/data-protection_en.

F ’xi każijiet, jista’ jkun meħtieġ għalina li nittrasferixxu d-Data Personali Tiegħek lejn pajjiż mhux taż-ŻEE li ma jitqiesx mill-Kummissjoni Ewropea li joffri livell adegwat ta’ protezzjoni (Pereżempju lil wieħed jew aktar mill-proċessuri tad-data Tagħna li jinsabu hemm).

F’każijiet bħal dawn, minbarra s-salvagwardji xierqa kollha li nimplimentaw, fi kwalunkwe każ, biex nipproteġu d-Data Personali Tiegħek, Aħna implimentajna miżuri adegwati addizzjonali. Pereżempju, Aħna żgurajna li r-riċevitur ikun marbut bil-Klawżoli Kuntrattwali Standard tal-UE (il-Klawżoli Mudell tal-UE) imfassla biex jipproteġu d-Data Personali Tiegħek daqslikieku kienet trasferiment intra-ŻEE. Inti intitolat li tikseb kopja ta’ dawn il-miżuri billi tikkuntattjana kif spjegat hawn taħt.

KOMUNIKAZZJONIJIET BL-INTERNET

Se tkun taf li d-data mibgħuta permezz tal-Internet tista’ tiġi trażmessa lil hinn mill-fruntieri internazzjonali anki fejn il-mittent u r-riċevitur tal-informazzjoni jinsabu fl-istess pajjiż. Ma nistgħux ninżammu responsabbli għal kwalunkwe ħaġa li ssir jew li tonqos milli ssir minnek jew minn kwalunkwe parti terza b’ rabta ma’ kwalunkwe Data Personali qabel ma nirċivuha inkluż iżda mhux limitat għal kwalunkwe trasferiment ta’ data personali minnek permezz ta’ pajjiż li għandu livell aktar baxx ta’ protezzjoni tad-data minn dak fis-seħħ fl-Unjoni Ewropea, u dan, bi kwalunkwe mezz teknoloġiku (pereżempju, WhatsApp, Dropbox, eċċ.)

Barra minn hekk, Aħna ma naċċettaw l-ebda responsabbilta  jew obbligu għas-sigurta tad-data Tiegħek waqt li tkun fi transitu permezz ta’ l-Internet sakemm ir-responsabbilta` Taghna ma tirriżultax espliċitament minn liġi li jkollha effett f’ Malta.

ŻVELAR AWTORIZZAT

Mingħajr preġudizzju għal kwalunkwe ħaġa li tinsab f ’din il-Politika tal- Privatezza u fl-interess ta’ trasparenza sħiħa, Aħna nirriżervaw id-dritt li niżvelaw (u b’ xi mod ieħor nipproċessaw) kwalunkwe Data Personali rilevanti relatata Miegħek li Aħna nistgħu nkunu qed nipproċessaw (inkluż f’ċerti każijiet indirizzi IP rilevanti) lil partijiet terzi awtorizzati fl-UE/ŻEE jew barra minnha jekk tali żvelar ikun permess skont il-Liġijiet dwar il-Protezzjoni tad-Data (kemm jekk tajt il-kunsens Tiegħek kif ukoll jekk le) inkluż iżda mhux limitat għal:

1. Għall-fini ta’ prevenzjoni, sejbien jew trażżin ta’ frodi (pereżempju, jekk tipprovdi informazzjoni falza jew qarrieqa dwarek innifsek jew tipprova toħloq bħala xi ħadd ieħor, Aħna nistgħu niżvelaw kwalunkwe informazzjoni li jista’ jkollna dwarek fil-pussess Tagħna sabiex nassistu kwalunkwe tip ta’ investigazzjoni fl-azzjonijiet Tiegħek);

2. Fil-każ li MBR ikun involut fi ristrutturar, trasferiment jew assorbiment f ’dipartiment ieħor tal-Gvern (jew avveniment simili applikabbli b’ mod analogu għall-aġenziji tal-Gvern);

3. Biex nipproteġu u niddefendu d-drittijiet Tagħna (inkluż id-dritt għall-proprjeta’ ), is-sigurta’, jew dawk tal-affiljati Tagħna, tal-Utenti tas-Sit Elettroniku Tagħna, tal-membri Tagħna jew anke Tiegħek stess;

4. Biex nipproteġu kontra l-abbuż, l-użu ħażin jew l-użu mhux awtorizzat tas-Sit Elettroniku Tagħna;

5. Għal kwalunkwe skop li jista’ jkun meħtieġ għat-twettiq ta’ kwalunkwe ftehim li tista’ tkun għamilt Magħna (inkluża t-talba għall-forniment ta’ servizzi minn partijiet terzi) jew sabiex tieħu passi fuq talba Tiegħek qabel ma tidħol f ’kuntratt;

6. Li jikkonforma ma’ kwalunkwe obbligu legali li jista’ jirriżulta b ’risposta għal kwalunkwe taħrika jew ordni tal-Qorti jew talba uffiċjali simili għal Data Personali; jew

7. Kif jista’ jkun speċifikament permess jew meħtieġ minn jew skont kwalunkwe liġi applikabbli, pereżempju, skont il-leġiżlazzjoni kontra l-ħasil tal-flus jew bħala parti mill-obbligu tal-MBR li jagħmel ċerta informazzjoni disponibbli għall-pubbliku permezz tas-sistema ta’ interkonnessjoni tar-reġistri kummerċjali tal-UE fuq: https://e-justice.europa.eu/content_business_registers_at_european_level-105-maximize-en.do (L.S. 386.18, L.S. 16.17 u L.S. 16.18)

KONDIVIŻJONI TA’ DATA PERSONALI MA’ KATEGORIJI OĦRA TA’ RIĊEVITURI

Id-data rilevanti tiġi żvelata jew kondiviża wkoll kif xieraq (u fil-każijiet kollha skont il-Liġijiet dwar il-Protezzjoni tad-Data) lil/ma’ persunal/impjegati u/jew uffiċjali tal-MBR, u/jew lil/ma’ entitajiet fi ħdan il-Gvern Ċentrali Malti u/jew lil/ma’ aġenziji oħra tal-Gvern, dipartimenti, jew entitajiet simili (inklużi tali entitajiet ta’ Stati Membri oħra tal-UE u/jew entitajiet oħra kkunsidrati bħala awtoritajiet kompetenti skont IL-PMLFTR inklużi iżda mhux limitati għall-FIAU, il-Korp tal-Pulizija ta’ Malta, l-MFSA, l-Assets Recovery Bureau u wkoll entitajiet bħal aġenziji ta’ referenza tal-kreditu u/jew sottokuntratturi stabbiliti fl-Unjoni Ewropea jekk pertinenti għal xi wieħed mill-għanijiet elenkati f’ din il-Politika tal-Privatezza (inkluż lil/mal-fornituri tas-servizz Tagħna li jiffaċilitaw il-funzjonalita’ tas-Sit Elettroniku u/jew kwalunkwe servizz li tista’ teħtieġ). Informazzjoni personali tiġi kondiviża Magħna biss biex nipprovdu s-Servizzi li titlob mingħandna jew għal kwalunkwe raġuni legali oħra (inkluż divulgazzjonijiet awtorizzati li ma jeħtiġux il-kunsens Tiegħek) bħall-obbligu legali Tagħna li nagħmlu disponibbli kopji elettroniċi tad-dokumenti li Aħna meħtieġa li nżommu u nirreġistraw skont l-Att dwar il-Kumpaniji u L.S. 16.17 u L.S. 16.18 u permezz tas-sistema ta’ interkonnessjoni tar-reġistri kummerċjali tal-UE fuq: https://e-justice.europa.eu/content_business_registers_at_european_level-105-maximize- en.do.

Kwalunkwe żvelar awtorizzat bħal dan se jsir skont il-liġijiet dwar il-Protezzjoni tad-Data (Pereżempju l-proċessuri kollha Tagħna huma marbuta kuntrattwalment bir-rekwiżiti fl-imsemmija Liġijiet dwar il-Protezzjoni tad-Data, inkluż obbligu strett li jżommu kwalunkwe informazzjoni li jirċievu kunfidenzjali u li jiżguraw li l-impjegati/il-persunal tagħhom ikunu marbuta wkoll b’ obbligi simili). L-imsemmija fornituri tas-servizzi (il-proċessuri Tagħna) huma marbuta wkoll b ’għadd ta’ obbligi oħra (b ’mod partikolari, l-Artikolu 28 tal-GDPR).

F’ċerti każijiet, ir-riċevituri tad-data personali Tiegħek li magħhom naqsmu d-data personali mhux se jaġixxu f’ isimna iżda se jaġixxu fil-kariga tagħhom stess bħala entitajiet/kontrolluri tad-data separati u indipendenti Minna (eż. Aġenziji tal-Gvern, l-MFSA,l-FIAU eċċ.). Aħna m’ aħniex responsabbli għal kwalunkwe ħaġa li dawn l-entitajiet jistgħu jagħmlu bid-data personali Tiegħek u nħeġġuk taqra permezz tal-politiki ta’ privatezza rispettivi tagħhom biex issir taf aktar dwar kif jittrattaw id-data personali Tiegħek.

ID-DATA PERSONALI TIEGĦEK QATT MA TIĠI KONDIVIŻA MA’ PARTIJIET TERZI GĦALL-FINIJIET TA’ KUMMERĊJALIZZAZZJONI TAGĦHOM.

Il-partijiet terzi li Aħna nistgħu niżvelaw lil u/jew naqsmu d-Data Personali Tiegħek magħhom huma, fid-data ta’ din il-Politika tal- Privatezza, dawn li ġejjin:

MIŻURI TA’ SIKUREZZA

L-informazzjoni personali li jista’ jkollna (u/jew nittrasferixxu lil kwalunkwe affiljati/imsieħba/sottokuntratturi skont il-każ) tinżamm b’ mod sigur skont il-politika ta’ sigurta interna Tagħna u l-liġi.

Aħna nużaw sforzi raġonevoli biex nissalvagwardjaw is-segretezza ta’ kwalunkwe Data Personali u/jew id-Data Personali kollha li Nistgħu nipproċessaw relatata Miegħek u nirrevedu u ntejbu regolarment il-proċeduri tekniċi, fiżiċi u maniġerjali Tagħna sabiex niżguraw li d-Data Personali Tiegħek tkun protetta minn:

• Aċċess mhux awtorizzat

• Użu mhux xieraq tal-iżvelar

• Modifika mhux awtorizzata

• Qerda illegali jew telf aċċidentali
  

Għal dan il-għan implimentajna politiki ta’ sikurezza, regoli u miżuri tekniċi u organizzattivi biex nipproteġu d-Data Personali li jista’ jkollna taħt il-kontroll Tagħna. Il-membri, il-persunal u l-proċessuri tad-data kollha Tagħna (inklużi sottokuntratturi speċifiċi, bħal fornituri tas-servizzi tal-cloud stabbiliti fl-Unjoni Ewropea), li jista’ jkollhom aċċess għal u huma assoċjati mal-ipproċessar ta’ Data Personali, huma obbligati wkoll (b ’kuntratt) li jirrispettaw is-segretezza tad-Data Personali tal- Utenti jew tar-riċevituri Tagħna kif ukoll obbligi oħra kif imposti mil-Liġijiet dwar il-Protezzjoni tad-Data.

Minkejja dan kollu ta’ hawn fuq, ma nistgħux niggarantixxu li t-trażmissjoni tad-data jew sistema ta’ ħażna qatt tista’ tkun 100% sigura. Għal aktar informazzjoni dwar il-miżuri ta’ sikurezza Tagħna jekk jogħġbok ikkuntattjana bil-mod deskritt hawn taħt.

Partijiet terzi awtorizzati, u fornituri esterni/terzi li jaġixxu bħala l-proċessuri tad-data Tagħna, b’ aċċess permess għall-informazzjoni Tiegħek (kif spjegat f’din il-Politika tal- Privatezza) huma speċifikament meħtieġa japplikaw miżuri tekniċi u organizzattivi xierqa ta’ sikurezza li jistgħu jkunu meħtieġa biex jissalvagwardjaw id-Data Personali li tkun qed tiġi pproċessata minn żvelar, telf jew qerda mhux awtorizzati jew aċċidentali u minn kwalunkwe forma illegali ta’ pproċessar.

Kif intqal hawn fuq, l-imsemmija fornituri tas-servizzi (il-proċessuri tad-data Tagħna) huma marbuta wkoll b ’għadd ta’ obbligi oħra skont il-Liġijiet dwar il-Protezzjoni tad-Data (b ’mod partikolari, l-Artikolu 28 tal-GDPR).

PERJODI TA’ ŻAMMA

Aħna se nżommu d-Data Personali Tiegħek biss sakemm ikun meħtieġ (filwaqt li jitqies l-għan li għalih inkisbu oriġinarjament). Il-kriterji li nużaw biex niddeterminaw x’ inhu “meħtieġ” jiddependu fuq id-Data Personali partikolari inkwistjoni u r-relazzjoni speċifika li Għandna Miegħek (inkluż it-tul ta’ żmien tagħha).

Il-prattika normali Tagħna hija li niddeterminaw jekk hemmx xi liġi tal-UE u/jew ta’ Malta speċifika li tippermetti jew saħansitra tobbligana li nżommu ċerta Data Personali għal ċertu perjodu ta’ żmien. (F ’liema każ se nżommu d-Data Personali għall-perjodu massimu indikat minn kwalunkwe liġi bħal din). Pereżempju L.S. 386.19, L.S. 16.17 u L.S. 16.18 jobbligawna li nżommu Data Personali relatata ma’ sidien benefiċjarji sal-iskadenza ta’ ħames (5) snin wara li l-isem tas-soċjeta’ kummerċjali kkonċernata (inklużi kumpaniji) u entitajiet legali oħra jkunu tħassru mir-reġistru u fil-każ ta’ fondazzjoni privata għal għaxar (10) snin.

Data dwar l-inkorporazzjoni/Dikjarazzjoni (kif definit hawn fuq se jinżamm sakemm l-entita legali tkun attiva. Ladarba l-korp jinqata’ , l-informazzjoni minima biss tinżamm aċċessibbli għall-pubbliku u dan, skont il-prinċipju tal-minimizzazzjoni tad-data.

Irridu wkoll niddeterminaw jekk hemmx xi liġijiet u/jew dispożizzjonijiet kuntrattwali li jistgħu jiġu invokati kontrina minnek u/jew minn partijiet terzi u jekk iva, x’ inhuma l-perjodi preskrittivi għal dawn l-azzjonijiet. F’dan il-każ, se nżommu kwalunkwe Data Personali rilevanti li jista’ jkollna bżonn biex niddefendu ruħna kontra kwalunkwe pretensjoni, kontestazzjoni jew azzjoni oħra bħal din minnek u/jew minn partijiet terzi għal dak iż-żmien li jkun meħtieġ.

Meta d-Data Personali Tiegħek ma tibqax meħtieġa minna (skont il-liġijiet applikabbli kollha), Aħna jew inħassru jew nanonimizzaw b’mod sigur id-Data Personali inkwistjoni.

Jekk jogħġbok innota li ċerti liġijiet jobbligawna niżvelaw xi Data Personali lil entitajiet oħra tal-Gvern (pereżempju, l-MFSA u l-Uffiċċju Nazzjonali tal-Istatistika) jew lil reġistri Ċentrali ta’ Stati Membri oħra tal-UE bħala parti mis-Sistema ta’ Interkonnessjoni tar-Reġistri Ċentrali f’liema każ, entitajiet bħal dawn (bħala kontrolluri separati) imbagħad jiddeterminaw il-politiki ta’ żamma tagħhom stess (li f’każijiet bħal dawn jistgħu jkunu ħafna itwal minn dawk deskritti hawn fuq).

PROĊESSAR GĦAL RAĠUNIJIET TA’ RIĊERKA U STATISTIKA

Ir-riċerka u l-istatistika bl-użu ta’ informazzjoni dwar l-Utent jew ir-riċevitur jitwettqu biss sabiex inkunu nistgħu nifhmu l-ħtiġijiet tal-Utenti u/jew tar-riċevituri Tagħna, biex niżviluppaw u ntejbu s-Servizzi/l-attivitajiet Tagħna u/jew għal kompiti mwettqa fl-interess pubbliku jew taħt l-eżerċizzju ta’ awtorita’ uffiċjali li tirrappreżenta l-għan tal-MBR. Fi kwalunkwe każ, fejn applikabbli, Aħna dejjem se niżguraw li niksbu kwalunkwe kunsens li Aħna nistgħu legalment neħtieġu mingħandek minn qabel. Bħal fil-każijiet l-oħra kollha, Aħna se niżguraw ukoll li nimplimentaw is-salvagwardji xierqa kollha kif jista’ jkun meħtieġ.

RABTIET MA’ SORSI TA’ PARTIJIET TERZI

Links li Aħna nipprovdu lejn sorsi ta’ partijiet terzi (bħal siti elettroniċi) huma mmarkati b’ mod ċar u bl-ebda mod ma’ Aħna responsabbli għal (u lanqas ma nistgħu nqisu li napprovaw b ’xi mod) il-kontenut ta’ tali sorsi (inkluż kwalunkwe politika ta’ privatezza applikabbli jew operazzjonijiet ta’ pproċessar ta’ data ta’ kwalunkwe tip). Nissuġġerixxu li għandek taqra l-politiki ta’ privatezza ta’ kwalunkwe tali sorsi ta’ partijiet terzi (inklużi s-siti elettroniċi u l-politiki rispettivi jew l-operazzjonijiet tal-ipproċessar tad-data ta’ kull tip).

COOKIES

Meta żżur is-Sit Elettroniku Tagħna, niġbru ċerti kategoriji ta’ Data Personali awtomatikament bl-użu ta’ cookies u teknoloġiji simili.

Għal informazzjoni aktar dettaljata inklużi x’inhuma cookies u kif u għaliex Aħna nipproċessaw tali data b ’dan il-mod (inkluża d-differenza bejn cookies essenzjali u mhux essenzjali) jekk jogħġbok aqra l-Politika tal-Cookie [SS1]  dettaljata Tagħna iżda faċli biex tinqara.

MINURI

Is-Sit Elettroniku u s-Servizzi online Tagħna (li jidħlu f’kuntratti mal-MBR) mhumiex maħsuba biex jintużaw minn persuni taħt it-tmintax-il sena (18) u għalhekk qatt mhu se niġbru intenzjonalment Data Personali minn tali persuni sakemm ma tkunx taħt eżenzjoni legali speċifika. Jekk għadek taħt l-eta’ tal-kunsens, jekk jogħġbok ikkonsulta u ikseb il-permess tal-ġenitur jew tal-kustodju legali Tiegħek biex tuża s-Sit Elettroniku u tuża s-servizzi Tagħna.

Aħna nikkunsidraw li kull Data Personali ta’ persuni taħt it-tmintax (18) - il sena riċevuta minna, għandha tintbagħat bl-awtorita’ xierqa u li l-mittent jista’ juri dik l-awtorita’ f ’kull ħin, fuq talba Tagħna. Iżda persuni li għalqu s-sittax-il sena (16) huma eliġibbli biex jinħatru bħala amministraturi ta’ organizzazzjonijiet volontarji iskritti mal-uffiċċju ta’ organizzazzjonijiet volontarji skont l-Artikolu 16B(3) tal-Att dwar l-Organizzazzjonijiet Volontarji (Kap 492) u għalhekk, mhumiex meħtieġa jissottomettu awtorizzazzjoni.

Fir-rigward tad-Data Personali tal-minorenni li nipproċessaw bħala parti mill-obbligi legali Tagħna (pereżempju, fejn minur jew minorenni jidhru bħala azzjonist/i u/jew sid/ien benefiċjarju aħħari), tali data personali se tiġi pproċessata minna bi struttura addizzjonali ta’ protezzjoni kif meħtieġ mil-liġi. Pereżempju, meta membri tal-pubbliku jistaqsu dwar is-sid benefiċjarju ta’ soċjetajiet kummerċjali (inklużi kumpaniji) jew entitajiet legali oħra, jekk dan is-sid ikun minuri, Aħna m’ aħniex obbligati li niżvelaw l-informazzjoni msemmija ħlief kif iddikjarat mod ieħor hawn fuq. Għall-kuntrarju, ser neżaminaw il-fatti tal-każ bir-reqqa qabel ma nagħmlu kwalunkwe żvelar (kompletament jew parzjalment) u fi kwalunkwe każ, il-prinċipji ġenerali tal-ĠDPR ser jiġu osservati f’ kull ħin.

TEĦID AWTOMATIZZAT TA’ DEĊIŻJONIJIET

Aħna ma nserrħu fuq l-ebda deċiżjoni meħuda biss b’mezzi awtomatizzati (fi kliem ieħor, mingħajr intervent uman sinifikanti) – inkluż kwalunkwe tfassil ta’ profili. Jekk din il-pożizzjoni tinbidel fil-futur (u biss kif nistgħu nkunu legalment permessi li nagħmlu), Inti tiġi nnotifikat b ’dan.

ID-DRITTIJIET TIEGĦEK SKONT IL-LIĠIJIET DWAR IL-PROTEZZJONI TAD-DATA

Qabel ma nindirizzaw kwalunkwe talba li tagħmel Magħna, jista’ jkun li l-ewwel ikollna bżonn nivverifikaw l-identita’ Tiegħek. Fil-każijiet kollha nippruvaw naġixxu fuq it-talbiet Tiegħek malajr kemm jista’ jkun.

Kif spjegat fit-taqsima dwar il-Perjodi ta’ Żamma hawn fuq, jista’ jkun li jkollna bżonn inżommu ċerta Data Personali biex inkunu konformi mal-obbligi ta’ żamma legali Tagħna iżda wkoll biex inlestu tranżazzjonijiet li tlabt qabel il-bidla jew it-tħassir li tlabt. Id-diversi drittijiet Tiegħek fil-liġi jinkludu:

• Id-Dritt Tiegħek ta’ Aċċess:

Tista’, fi kwalunkwe ħin, titlobna nikkonfermaw jekk aħniex nipproċessaw Data Personali li tikkonċernak jew le u, jekk inkunu, għandu jkollok id-dritt li taċċessa dik id-Data Personali u għall-informazzjoni li ġejja:

• Liema Data Personali Għandna,

• Għala Nipproċessawhom,

• Lil min niżvelawhom,

• Kemm għandna l-ħsieb li nżommuhom (fejn possibbli),

• Jekk nittrasferuhom barra minn Malta u s-salvagwardji li nieħdu biex Nipproteġuhom,

• X’ inhuma d-Drittijiet Tiegħek,

• Kif tista’ tagħmel ilment,

• Minn fejn ġbarna d-Data Personali Tiegħek,

• Jekk wettaqniex xi teħid ta’ deċiżjonijiet awtomatizzat (inkluż it-tfassil ta’ profili) kif ukoll informazzjoni relatata.
  

Fuq talba, Aħna (mingħajr ma nippreġudikaw id-drittijiet u l-libertajiet ta’ oħrajn inkluż Tagħna stess) nipprovdulek kopja tad-Data Personali li tkun qed tiġi pproċessata fi żmien xahar minn meta nirċievu t-talba, liema perjodu jista’ jiġi estiż b ’xahrejn fejn meħtieġ, filwaqt li jitqiesu l-kumplessitajiet u n-numru tat-talbiet. Aħna ninfurmawk bi kwalunkwe estensjoni bħal din fi żmien xahar minn meta nirċievu t-talba, flimkien mar-raġunijiet għad-dewmien.

• Id-Dritt Tiegħek għal Rettifika:

Għandek id-dritt li titlobna nirrettifikaw Data Personali mhux preċiża u nlestu Data Personali mhux kompluta dwarek. Aħna nistgħu nippruvaw nivverifikaw il-preċiżjoni tad-data qabel ma nirrettifikawha.

• Id-Dritt Tiegħek għat-Tħassir (id-Dritt li Tintesa):

Għandek id-dritt li titlobna nħassru d-Data Personali Tiegħek u Aħna nikkonformaw mingħajr dewmien żejjed iżda biss fejn:

• Id-Data Personali ma tkunx għadha meħtieġa għall-finijiet li għalihom tkun inġabret; jew

• Tkun irtirajt il-kunsens Tiegħek (f ’dawk il-każijiet rari fejn nipproċessaw abbażi tal-kunsens Tiegħek) u ma jkollna l-ebda bażi legali oħra biex nipproċessaw id-Data Personali Tiegħek; jew

• Inti tkun eżerċitajt b’suċċess id-dritt Tiegħek li toġġezzjona (kif spjegat hawn taħt); jew

• Id-Data Personali Tiegħek tkun ġiet ipproċessata illegalment; jew

• Jeżisti obbligu legali li għalih Aħna suġġetti; jew

• Jeżistu ċirkostanzi speċjali b ’rabta ma’ ċerti drittijiet tat-tfal.

Fi kwalunkwe każ, Aħna ma nkunux legalment marbuta li nikkonformaw mat-talba Tiegħek għat-tħassir jekk l-ipproċessar tad-Data Personali Tiegħek ikun meħtieġ:

• għall-osservanza ta’ obbligu legali li għalih Aħna suġġetti (inkluż iżda mhux limitat għad-dmir Tagħna li nżommu database preċiża ta’ soċjetajiet kummerċjali (inklużi kumpaniji) u reġistri ta’ entitajiet legali oħra u l-obbligi Tagħna ta’ żamma ta’ data);

• għal finijiet ta’ arkivjar fl-interess pubbliku, għal finijiet ta’ riċerka xjentifika jew storika jew għal finijiet ta’ statistika sa fejn l-eżerċizzju Tiegħek ta’ dan id-dritt għat-tħassir x’ aktarx li jagħmel impossibbli jew ifixkel serjament il-kisba tal-objettivi ta’ tali pproċessar.

• għall-istabbiliment, eżerċizzju jew difiża ta’ talbiet legali.
  

Hemm raġunijiet legali oħra li jintitolawna nirrifjutaw talbiet għal tħassir għalkemm it-tliet istanzi ta’ hawn fuq huma r-raġunijiet l-aktar probabbli li jistgħu jiġu invokati Minna biex niċħdu talbiet bħal dawn.

• Id-Dritt Tiegħek għal Restrizzjoni tad-Data:

Għandek id-dritt li tinfurmana biex nirrestrinġu (jiġifieri, naħżnu iżda mhux nipproċessaw aktar) id-Data Personali Tiegħek iżda biss fejn:

• Il-preċiżjoni tad-data personali Tiegħek tiġi kkontestata (ara d-dritt għar-rettifika tad-data hawn fuq), għal perjodu li jippermettilna nivverifikaw il-preċiżjoni tad-data personali; jew

• L-ipproċessar huwa illegali, u inti topponi t-tħassir tad-Data Personali Tiegħek; jew

• M’għadniex neħtieġu d-Data Personali għall-finijiet li għalihom inġabret iżda teħtieġ id-Data Personali għall-istabbiliment, l-eżerċizzju jew id-difiża ta’ pretensjonijiet legali; jew

• Eżerċitajt id-dritt Tiegħek li toġġezzjona u l-verifika tar-raġunijiet leġittimi Tagħna biex nirbħu l-oġġezzjoni Tiegħek għadha pendenti.
  

Wara t-talba Tiegħek għal restrizzjoni, ħlief għall-ħażna tad-Data Personali Tiegħek, Aħna nistgħu nipproċessaw biss id-Data Personali Tiegħek:

• Fejn Aħna għandna l-kunsens Tiegħek (jekk jeżisti); jew

• Għall-istabbiliment, l-eżerċizzju jew id-difiża ta’ talbiet legali; jew

• Għall-protezzjoni tad-drittijiet ta’ persuna fiżika jew ġuridika oħra; jew

• Għal raġunijiet ta’ interess pubbliku importanti.

• Id-Dritt Tiegħek għat-Trasferiment tad-Data:

Għandek id-dritt li titlobna nipprovdulek d-Data Personali Tiegħek (li tkun ipprovdejtilna Inti) f’format strutturat, użat b’ mod komuni, li jinqara mill-magni, jew (fejn ikun teknikament fattibbli) li tiġi “ttrasferita” direttament lil kontrollur tad-data ieħor, dment li dan ma jaffettwax b ’mod negattiv id-drittijiet u l-libertajiet ta’ oħrajn. Dan id-dritt għandu japplika fir-rigward ta’ fejn:

• il-bażi legali hija l-kunsens jew il- kuntratt u

• l-ipproċessar isir b ’mezzi awtomatizzati.
  

(It-trasferiment huwa separat mid-drittijiet ta’ hawn taħt. Ma japplikax għax-xenarji kollha ta’ pproċessar biss ta’ hawn fuq.)

Id-Dritt Tiegħek li Tirtira l-Kunsens (meta Aħna nistrieħu fuq il-kunsens) fil-każijiet rari fejn Aħna stajna ddependejna fuq il-kunsens Tiegħek biex nipproċessaw id-Data Personali Tiegħek (li, fi kwalunkwe każ, fejn Aħna konna ksibna bil-mod meħtieġ mill-GDPR), tista’ tirtira kwalunkwe kunsens bħal dan fi kwalunkwe ħin b’ mod li jkun faċli daqs meta tajtna l-kunsens imsemmi għall-ewwel darba.

• Id-Dritt Tiegħek li Toġġezzjona għal Ċertu Pproċessar

F ’dawk il-każijiet fejn nipproċessaw id-Data Personali Tiegħek biss meta dan ikun;

1.) meħtieġ għat-twettiq ta’ kompitu mwettaq fl-interess pubbliku jew fl-eżerċizzju tas-setgħa uffiċjali Tagħna, JEW

2.) meta l-ipproċessar ikun meħtieġ għall-finijiet tal-interessi leġittimi segwiti minn parti terza,

Għandu jkollok id-dritt li toġġezzjona għall-ipproċessar tad-Data Personali Tiegħek minna. Fejn tiddaħħal oġġezzjoni, l-ipproċessar tad-data għandu jieqaf, sakemm Aħna bħala Kontrollur tad-data ma nipprovdux raġunijiet konvinċenti u leġittimi li jirrikjedu l-kontinwazzjoni tal-ipproċessar tad-data li jegħlbu l-oġġezzjonijiet li stajt qajjimt.

Sabiex jiġi evitat kull dubju, meta nipproċessaw id-Data Personali Tiegħek meta dan ikun meħtieġ għall-eżekuzzjoni ta’ kuntratt, meta jkun meħtieġ għall-osservanza ta’ obbligu legali li għalih Aħna inkunu suġġetti jew meta l-ipproċessar ikun meħtieġ biex jiġu protetti l-interessi vitali Tiegħek jew dawk ta’ persuna fiżika oħra, dan id-dritt ġenerali ta’ oġġezzjoni ma għandux jibqa’ jeżisti.

• Id-Dritt Tiegħek li Tressaq Ilment

Għandek ukoll id-dritt li tressaq ilmenti mal-Awtorita’ ta’ Sorveljanza tal-Protezzjoni tad-Data. L-awtorita’ kompetenti f’Malta hija l-Uffiċċju tal-Kummissarju għall-informazzjoni u l-Protezzjoni Tad-data “IDPC”).

Nitolbuk ġentilment tipprova ssolvi kwalunkwe kwistjoni li Inti jista’ jkollok Magħna l-ewwel anke jekk, kif intqal hawn fuq, għandek id-dritt li tikkuntattja lill-awtorita’ kompetenti fi kwalunkwe ħin.

AĦNA X’NISTGHU NITOLBU MINGĦANDEK

Bħala waħda mill-miżuri ta’ sikurezza li nimplimentaw, qabel ma nkunu f’pożizzjoni li ngħinuk teżerċita d-drittijiet Tiegħek kif deskritt hawn fuq, jista’ jkun li jkollna bżonn nivverifikaw l-identita’ Tiegħek biex niżguraw li ma niżvelawx jew naqsmu xi Data Personali ma’ xi individwu mhux awtorizzat.

LIMITU TA’ ŻMIEN GĦAL TWEĠIBA

Aħna nippruvaw inwieġbu għat-talbiet leġittimi kollha fi żmien xahar minn meta nirċevuhom. F’xi każijiet partikolari (pereżempju, jekk il-kwistjoni tkun partikolarment kumplessa jew jekk tibgħatilna diversi talbiet), tista’ ddum aktar minn xahar. F ’każijiet bħal dawn, Aħna ser ninnotifikawk kif xieraq u nżommuk aġġornat.

DETTALJI TAL-MBR

Il-Malta Business Registry hija Aġenzija tal-Gvern reġistrata f ’Malta bl-indirizz Malta Business Registry, AM Business Centre, Triq il-Labour, iż-Żejtun ZTN 2405, Malta u hija l-kontrollur tad-data responsabbli għall-ipproċessar tad-Data Personali Tiegħek li ssir permezz tas-Sit Elettroniku jew bil-mod spjegat hawn fuq. (jew f’waħda mill-politiki ta’ privatezza kkondensati taghna jew avviżi li dderigew Lilek hawn).

Jekk għandek xi mistoqsijiet/kummenti tal-Privatezza jew jekk tixtieq teżerċita xi wieħed mid-drittijiet individwali Tiegħek, jekk jogħġbok ikkuntattjana fuq: info.mbr.@mbr.mt jew bil-miktub lil Malta Business Registry, AM Business Centre, Triq il-Labour, iż-Żejtun ZTN 2405 jew billi ċċempLilna bin-numru tat-telefown (+356) 2258 2300 (Matul il-ħinijiet normali tal-uffiċċju mit-Tnejn sal-Ħamis: 09:00 – 12:00  u 13:00 – 14:30 u l-Ġimgħa: 09:00-13:00) jew billi tikkuntattja lill-Uffiċjal tal-Protezzjoni tad-Data direttament fuq dpo.mbr@mbr.mt

AĠĠORNAMENTI

Aħna nirriżervaw id-dritt, fid-diskrezzjoni sħiħa Tagħna, li nibdlu, nimmodifikaw, inżidu u/jew inneħħu partijiet minn din il-Politika tal- Privatezza fi kwalunkwe ħin. Jekk inti persuna fiżika eżistenti li magħha għandna relazzjoni kuntrattwali, inti għandek tiġi infurmat minna dwar kwalunkwe tibdil li jsir f’ din il-Politika tal- Privatezza (kif ukoll termini u kundizzjonijiet oħra rilevanti għas-Sit Elettroniku). Aħna għandna ukoll arkivju u naħżnu verżjonijiet preċedenti tal-Politika tal-Privatezza għar-reviżjoni Tiegħek.

Bħala Utent tas-Sit Elettroniku li Miegħek m’għandna l-ebda relazzjoni kuntrattwali jew anki mod legali ta’ traċċar, huwa fl-interess Tiegħek li tiċċekkja regolarment għal kwalunkwe aġġornament ta’ din il-Politika tal- Privatezza (li normalment jitqiesu li jkunu effettivi fid-data li jiġu ppubblikati fuq is-Sit Elettroniku), fil-każ li t-tentattivi Tagħna biex ninnotifikawk b’ tali aġġornamenti ma jaslux għandek.