FOI

Aġenzija Governattiva

Malta Business Registry (“MBR”)

L-istruttura tal-Aġenzija

Reġistru tan-Negozju ta' Malta (“MBR”)

L-MBR huwa mmexxi mir-Reġistratur tal-Kumpaniji li jwettaq il-funzjonijiet u d-dmirijiet kollha tal-Uffiċjal Kap Eżekuttiv kif stipulat fl-Att dwar l-Amministrazzjoni Pubblika. Huwa wkoll inkarigat bir-rappreżentanza legali u ġudizzjarja. Id-Deputat Reġistratur huwa maħtur biex jgħin lir-Reġistratur tal-Kumpaniji fit-twettiq tad-dmirijiet tiegħu.

L-istruttura organizzattiva tal-MBR tikkonsisti mill-Kumitat Eżekuttiv, il-Bord tal-Maniġment u d-Dipartimenti li ġejjin:

– Reġistru tas-Sħubiji Kummerċjali

– Unità Legali u tal-Infurzar

– Unità tal-Konformità

– Unità tar-Riżorsi Umani u l-Iżvilupp

– Unità tal-Finanzi u l-Amministrazzjoni

– Unità tat-Teknoloġija tal-Informazzjoni u l-Komunikazzjoni

– Unità tal-Affarijiet Internazzjonali, ir-Riċerka u l-Komunikazzjonijiet

– Uffiċċju tar-Riċevitur Uffiċjali

Deskrizzjoni tal-funzjonijiet u r-responsabbiltajiet tad-dipartiment/direttorat/entità

L-MBR, stabbilita taħt il-Leġiżlazzjoni Sussidjarja 595.27, hija aġenzija governattiva inkarigata bid-dmirijiet u l-funzjonijiet kollha relatati mar-Reġistratur ta' sħubiji kummerċjali taħt l-Att dwar il-Kumpaniji. Dan jinvolvi r-reġistrazzjoni ta' sħubiji kummerċjali ġodda u entitajiet legali oħra, il-ħruġ ta' dokumentazzjoni ċċertifikata mir-reġistru u l-manutenzjoni ġenerali tar-reġistru, filwaqt li jiġi żgurat li l-informazzjoni tkun aġġornata. L-MBR hija mmexxija mir-Reġistratur tal-Kumpaniji li huwa wkoll inkarigat mir-reġistru tas-sidien benefiċjarji ta' sħubiji kummerċjali u miż-żamma tar-reġistru tas-sidien benefiċjarji ta' persuni ġuridiċi (jiġifieri Fondazzjonijiet u Assoċjazzjonijiet) skont il-Kodiċi Ċivili (it-Tieni Skeda) u assoċjazzjonijiet mhux irreġistrati. Barra minn hekk, l-MBR hija inkarigata li twettaq id-dmirijiet addizzjonali kollha imposti fuq ir-Reġistratur tal-Kumpaniji skont l-Artikolu 401 tal-Att dwar il-Kumpaniji u l-funzjonijiet kollha relatati mar-Reġistratur ta' Persuni Ġuridiċi skont il-Kodiċi Ċivili (it-Tieni Skeda).

Deskrizzjoni ġenerali tal-kategoriji ta' dokumenti li żżomm id-dipartiment/id-direttorat/l-entità (inklużi dokumenti eżentati)

L-Aġenzija żżomm dokumenti li jaqgħu taħt il-kategoriji ewlenin li ġejjin:

1) Sit elettroniku miżmum mir-Reġistratur tal-Kumpaniji dwar is-sħubiji kummerċjali kollha rreġistrati f'Malta inkluż informazzjoni bażika, prospetti annwali u kontijiet annwali, in-notifiki u l-pubblikazzjonijiet kollha meħtieġa mil-liġi;

2) L-informazzjoni kollha fuq il-websajt imsemmija f'(1) tinżamm ukoll bħala kopja stampata;

3) Dokumenti ta' appoġġ mitluba mir-Reġistratur fir-rigward tas-sħubiji kummerċjali;

4) Reġistru dwar is-sidien benefiċjarji tas-sħubiji kummerċjali;

5) Rapporti dwar is-sejbiet tar-rappreżentanti tal-MBR waqt spezzjonijiet fuq il-post imwettqa fl-uffiċċji tas-CSPs;

6) Politiki interni;

7) Politiki u avviżi ppubblikati;

8) Memoranda ta' Ftehim u dokumenti relatati mal-iskambju ta' informazzjoni

9) Kopji ta' ftehimiet li l-MBR daħlet fihom ma' partijiet terzi; Dossiers relatati mal-akkwist;

10) Dokumenti tar-Riżorsi Umani;

11) Fajls tal-iskema ta' Awtożvilupp tal-Persunal;

12) Dokumenti tas-Saħħa u s-Sigurtà;

13) Leġiżlazzjoni (Lokali u tal-UE);

14) Proposti ta' Proġetti u Rapporti ta' Implimentazzjoni;

15) Sottomissjoni ta' stħarriġ tal-UE;

16) Digrieti ta' sentenzi tal-Qorti u notifika mill-qrati;

17) Ċitazzjonijiet tal-Qorti;

18) Statistiċi;

19) Avviżi u komunikazzjonijiet interni maħruġa

Nota: Xi wħud mill-informazzjoni elenkata hawn fuq hija eżentata mill-iżvelar skont l-Att dwar il-Libertà tal-Informazzjoni (Kap. 496).       

Deskrizzjoni tal-manwali kollha u tipi simili ta’ dokumenti li fihom politiki, prinċipji, regoli jew linji gwida li skonthom jittieħdu deċiżjonijiet jew jittieħdu rakkomandazzjonijiet fir-rigward ta’ membri tal-pubbliku (inklużi korpi korporattivi u impjegati tal-awtorità pubblika fil-kapaċità personali tagħhom)

– Manwal tal-Persunal

– Proċeduri Operattivi Standard

– Leġiżlazzjonijiet Maltin u tal-UE

– Regolamenti dwar Procurement

Nota: Fir-rigward tad-Dokumenti ppreżentati skont l-Att dwar il-Kumpaniji, huwa notifikat li dawn id-dokumenti diġà huma disponibbli għall-iskrutinju pubbliku.

Dikjarazzjoni tal-informazzjoni li teħtieġ li tkun disponibbli għall-membri tal-pubbliku li jixtiequ jiksbu aċċess għal dokumenti uffiċjali mill-awtorità pubblika, liema dikjarazzjoni għandha tinkludi dettalji tal-uffiċjal jew uffiċjali li lilhom għandhom jintbagħtu t-talbiet għal tali aċċess

L-uffiċjal tal-FOI tal-MBR jista' jiġi kkuntattjat permezz tal-email fuq foi.mbr@mbr.mt jew bit-telefon fuq 22582300.

Talbiet tal-FOI jistgħu jiġu sottomessi permezz tal-email foi.mbr@mbr.mt jew permezz tal-Portal tal-FOI https://foi.gov.mt/ permezz tal-e-ID jew permezz tal-formola online.

Dettalji tal-Proċedura Interna għall-Ilmenti

Applikant li t-talba tiegħu għal informazzjoni tiġi miċħuda, jew li ma jkunx sodisfatt bl-informazzjoni pprovduta, il-format tagħha jew l-estensjoni tal-iskadenza għas-sottomissjoni tan-notifika li tindika jekk talba tkunx sodisfatta jew le, jista' jindirizza lment lill-Uffiċjal tal-FOI tal-MBR.

L-ilment għandu jiġi indirizzat lill-Uffiċjal tal-FOI tal-MBR li għandu jġib l-ilment għall-attenzjoni tal-President tal-Bord tal-Maniġment. Dan tal-aħħar għandu jwieġeb lill-applikant fi żmien 10 ijiem ta' xogħol minn meta jirċievi l-ilment. L-applikant għandu jiġi infurmat ukoll li jista' jappella d-deċiżjoni jew inkella jindirizza lment lill-Kummissarju tal-Informazzjoni u l-Protezzjoni tad-Data skont l-Att dwar il-Libertà tal-Informazzjoni (Kap. 496 tal-Liġijiet ta' Malta).

L-uffiċjal responsabbli għandu jinforma lill-applikant bid-deċiżjoni meħuda fir-rigward tal-ilment tiegħu, u fil-każ ta' konferma ta' deċiżjoni li ma tiġix rilaxxata l-informazzjoni pertinenti, għandu jispjega r-raġunijiet għal dan. Kull meta l-ilment tal-applikant ikun relatat mal-format tal-informazzjoni pprovduta jew ma’ estensjoni tal-iskadenza għas-sottomissjoni tan-notifika li tindika jekk talba tkunx milqugħa jew le mill-Awtorità, u d-deċiżjoni oriġinali tiġi kkonfermata, l-applikant għandu jingħata spjegazzjoni dwar għaliex l-ilment tiegħu jew tagħha ma jistax jiġi indirizzat b’mod pożittiv. Applikant jista’ wkoll juża l-Proċedura Interna tal-Ilmenti biex jirrapporta nuqqas ta’ skadenzi jew biex jibgħat notifiki.

Informazzjoni Oħra

L-ilmenti jistgħu jiġu sottomessi bl-e-mail fuq foi.mbr@mbr.mt jew permezz tal-Portal tal-FOI www.foi.gov.mt permezz tal-e-ID jew permezz tal-formola online. Modalitajiet ta’ ħlas aċċettati: flus kontanti, ċekkijiet jew karti ta’ kreditu.

Dettalji ta’ Kuntatt

Address:AM Business Centre,Triq il-Labour,Zejtun, ZTN 2402,Telephone: (+356) 22582300Generic e-mail address: info.mbr@mbr.mt  Website: https://mbr.mt/