Sottomissjonijiet obbligatorji ta’ diversi formoli mill-1 ta’ Settembru 2025

Ir-Reġistru tan-Negozju ta’ Malta (MBR) qed jinforma lill-pubbliku ġenerali li mill-1 ta’ Settembru 2025, diversi notifiki għandhom jiġu sottomessi biss permezz tas-sistema online tal-MBR, BAROS (Business Automation Registry Online System).

In-notifiki li għandhom jiġu sottomessi biss permezz tal-BAROS huma dawn li ġejjin:

• Rapport tal-Espert f’termini tas-Seg. 73(6) tal-Att dwar il-Kumpaniji – Rapport ta’ kunsiderazzjoni mhux fi flus kontanti.

• Formola F (1) – Avviż dwar it-tneħħija ta’ awditur,

• Formola F (2) – Notifika bi sħubija/kumpanija tar-riżenja ta’ awditur,

• Formola F (3) – Avviż tal-ħatra tal-awditur/i skont l-Artikolu 151 (9)/ l-Artikolu 66 (3),

• Formola R – Notifika tad-data ta’ referenza tal-kontabilità,

• Formola R (1) – Avviż ta’ alterazzjoni tal-perjodu ta’ referenza tal-kontabilità,• Formola T (1) – Avviż ta’ tifdija ta’ ishma privileġġati,

• Formola T (2) – Avviż ta’ rahan ta’ titoli,

• Formola T (3) – Avviż ta’ terminazzjoni ta’ rahan ta’ titoli,

• Formola S – Dikjarazzjoni ta’ konformità mal-Artikolu (110(4)) dwar l-assistenza finanzjarja mogħtija minn kumpanija privata għax-xiri tal-ishma tagħha stess jew tal-kumpanija omm tagħha,

• Formola Q – Notifika ta’ bidla fl-indirizz tal-uffiċċju reġistrat tal-kumpanija,

Barra minn hekk, kwalunkwe bidla fid-dettalji ta’ individwu involut fir-Reġistru tal-Kumpaniji (Dettalji tal-Bidla tal-Persuna) għandha tiġi sottomessa wkoll biss permezz tal-BAROS.

Din it-tranżizzjoni tirrifletti l-impenn tal-MBR fil-vjaġġ tagħha biex issir aġenzija iżjed diġitali. L-inizjattiva hija mfassla biex ittejjeb l-effiċjenza tal-ipproċessar filwaqt li trawwem ħidma aktar sostenibbli u li ma jagħmilx ħsara lill-ambjent.

Dr Geraldine Spiteri Lucas, Kap Eżekuttiv u Reġistratur tal-MBR, enfasizzat li s-suċċess tal-BAROS jiffoka fuq il-ħtieġa tal-industrija għal trasformazzjoni diġitali kontinwa għall-benefiċċju tal-prattikanti, il-klijenti, u s-settur. Dan il-pass isegwi diskussjonijiet estensivi mal-partijiet ikkonċernati u l-prattikanti li kellhom rwol kruċjali fil-proċess ta’ tranżizzjoni.

Dawn l-inizjattivi huma mistennija li jissimplifikaw il-proċessi, jeliminaw l-ostakli burokratiċi bla bżonn, u jikkumplimentaw proġetti oħra mmexxija mill-MBR biex fl-aħħar mill-aħħar noffru servizzi ħolistiċi” spjegat Dr Geraldine Spiteri Lucas.

L-istruzzjonijiet dettaljati u r-riżorsi ta’ appoġġ jistgħu jinstabu hawn.

Barra minn hekk, l-MBR se jipprovdi wkoll sessjoni ta’ taħriġ f’Awwissu 2025. Aktar dettalji se jsegwu dalwaqt.