Nota Informattiva — Pubblikazzjoni tal-Leġiżlazzjoni

Il-qafas tal-liġi tal-kumpaniji ġie aġġornat aktar biex jirrifletti proċessi mtejba ta’ diġitizzazzjoni u ċertezza legali. L-Avviż Legali 68 tal-2024 ġie ppubblikat fil-Gazzetta fil-15 ta’ Marzu 2024 (minn hawn’il quddiem imsejjaħ “A.L.”).

Dan l-A.L. jemenda ħames (5) leġiżlazzjonijiet sussidjarji taħt l-Att dwar il-Kumpaniji, bl-għan li tiġi żgurata ċ-ċertezza legali f’dak li għandu x’jaqsam mal-operazzjonijiet transkonfinali ta’ kumpaniji b’responsabbiltà limitata, inkluża t-trażmissjoni elettronika ta’ ċertifikati ta’ qabel l-operazzjoni u l-komunikazzjoni assoċjata dwar is-sistema ta’ interkonnessjoni tar-reġistri kummerċjali.

Id-Direttiva dwar l-għodod u l-proċessi diġitali (id-Direttiva (UE) 2019/1151) qed tiġi trasposta bis-sħiħ ukoll permezz tal-A.L. billi jiġi żgurat li kull dokument reġistrabbli ppreżentat lir-Reġistratur jinħażen fir-reġistru tas-soċjetajiet kummerċjali f’format li jinqara mill-magni u li jista’ jitfittex, jew inkella bħala data strutturata.

Sommarju tad-dispożizzjonijiet li jinsabu fl-A.L. u punti informattivi oħra jista’ jinstab fil-Linji Gwida (“User Guidelines”) li qed jiġu ppubblikati.

Sommarju tad-Dispożizzjonijiet – Linji Gwida

Dr Geraldine Spiteri LucasReġistratur u Kap Eżekuttiv